Брисел, 25.август 2015 (ИНПРЕС) – Премиерите на Србија и на Косово Александар Вучиќ и Иса Мустафа денеска во Брисел, на продолжувањето на дијалогот меѓу Белград и Приштина, би требало да постигнат договор за начелата за формирање Заедница на српските општини на Косово.
Станува збор за клучен дел од бриселската спогодба што двете страни ја потпишаа во април 2013 година.
Двете страни денеска би требало да ги финализираат и спогодбите за енергетика и телекомуникации, како и за слободата на движење преку мостот во Митровица.(Кра)
извор:Р.С.Е. фото:архива
