Охрид, 5. септември 2023 (ИНПРЕС) – Викендов во Охрид започна снимањето на документарец од новиот научен серијал „Средновековното наследство на династијата Немањичи на почвата на денешна Република Македонија“.
Стручен соработник и наратор на серијаталот е доц. д-р Јасмина Чириќ од Универзитет во Крагуевац, Филолошко-уметнички факултет и новинарката Билјана Тодоровиќ Георгиевска со нивниот тим, кои беа во посета на почесниот конзулат на Република Србија во Охрид.
– Во прекрасна пријателска атмосфера разговаравме дека најважна е соработката во сферата на културата и слични вакви проекти помеѓу двете држави за поголема кохезија на заедничките културни вредности кои ги делиме низ вековите, а тоа ќе придонесе за уште поголема туристичка посетеност на регионот и за уште поголемо зацврстување во сите пори меѓу братските народи.Посебна благодарност за реализацијата на првата епизода од серијалот до епископот на Дебарско-кичевска епархија МПЦ ОА – г. Тимотеј, како и до сите институции и граѓани на Македонија, напиша Почесниот конзул на Србија во Македонија со седиште во Охрид, Михајло Филев. (Крај)
извор: ИнПрес фото: архива
