Скопје, 25. мај 2015 (ИНПРЕС) – Главниот обвинител на Хашкиот трибунал Серж Брамерц ќе престојува денеска и утре во посета на Белград, во рамки на подготовките на извештајот, кој тој го поднесува до Советот за безбедност на Обединетите нации.
Како што е најавено од Хашкиот трибунал, Брамерц ќе разговара со премиерот на Србија Александар Вучиќ, со министерот за внатрешни работи Небојша Стефановиќ, со министерот за правда Никола Селаковиќ, со обвинителот за воени злосторства Владимир Вукчевиќ, како и со претставници на меѓународната заедница.
Согласно резолуциите на СБ 1503 од 2003 година и 1543 од 2004 година обвинителот има должност секои шест месеци да поднесува извештај до Советот за актуелниот прогрес во насока на примена на Стратегијата за ставање крај на работата на Судот во Хаг. Овие извештаи редовно се поднесуваат од мај 2004 година.
Обраќањето на Брамерц пред СБ на ОН е планирано за почетокот на јуни. (Крај)
извор: rts фото: bhrt.ba