Струга, 17. февруари 2026 (ИНПРЕС) – Градежниот факултет при Универзитетот „Св. Кирил и Методиј“ од Скопје ќе упати стручен тим за теренски увид на водоснабдителниот систем во Струга, по барање на градоначалникот Менди Ќура.
Стручен тим од тројца професори ќе извршат детална проверка на клучните елементи на системот, меѓу кои: изворот Шум, изворите во Горна Белица, влезните комори, резервоарите за водоснабдување, МХЕ локациите и хлорната станица.
Според најавите, по извршениот увид, ќе биде изготвен официјален извештај со стручно мислење и конкретни препораки за надминување на состојбата.
Веќе десет дена водата од чешмите е загадена и забранета за употреба. За ваквата состојба општината побара помош и од стручен експерт од приватна компанија. Деновиве струшкото Обвинителство оформи предмет и ги истражува причините за загадувањето и дали тоа потекнува од кривични дела против животната средина. (Крај)
извор: ИнПрес фото: ИнПрес
