Скопје, 16. февруари 2026 (ИНПРЕС) – Тој можеби не снима така често нови песни и видеа, но кога со нешто ќе се појави повеќе од сигурно е дека таа песна е една од оние што засекогаш ќе остане. Токму таква е емотивната балада „Една во милион“ што Дарко Гелев – Брејк ѝ ја понуди на својата публика.
За сите оние со скршени срца и незаборавни спомени, за љубовта и љубовните моменти кои остануваат засекогаш врежани во сеќавањата. За онаа, „Една во милион“, пропуштена можност да се биде со единствената личност на светот.
Музиката е дело на Никола Перевски – Пере, стиховите на Игор Џамбазов, а аранжманот, миксот и мастерингот го обликувал Дарко Димитров. Видеоспотот совршено ги отсликува внатрешните чувства преку емотивната изведба на Брејк. (Крај)
извор: ИнПрес фото: архива
