Грција и Русија ќе ги продлабочат односите во областа на енергетиката

Атина, 6. јуни 2015 (ИНПРЕС) – Откако Грција ја отфрли новата програма за штедење на доверителите, сега повторно е насочено вниманието кон Русија, коментира германското издание Die Welt.

Грчкиот премиер Алексис Ципрас објави дека неговата земја ќе учествува на бизнис форум организиран во Санкт-Петербург во периодот меѓу 18 и 20 јуни. Извори блиски до владините кругови во Атина, информираа дека двете држави имаат намера да ги продлабочат билатералните односи во областа на енергетиката.

Разговорите меѓу Путин и Ципрас ќе влијаат изградбата на гасоводот “Турски поток”, кој ќе влегува во Македонија преку територијата на северна Грција. Владата во Атина се надева дека проектот ќе го зголеми приходот на земјата преку приходите од поевтин гас и надоместоците за управување со објектите. (Крај)

извор: Die Welt фото: архива