Охрид, 18. март 2026 (ИНПРЕС) – Комплетирање на заштитната ограда на патеката Канео – Плаошник – Лабино чии делови и понатаму се небезбедни за движење, бараат граѓаните и посетителите.
Читатели на InPress апелираат да се преземат мерки додека не се случил некој немил настан. Делови од патеката се особено стрмни и при најмало лизгање, може да се случат несакани последици.
Во 2023 година беше поставена нова и заменета оштетената ограда, но ризични делови и понатаму се необезбедени, а оштетувања има повторно.
Патеката на оваа атрактивна локација во стариот дел на градот беше пуштена во употреба во јуни 2017 година. Долга е околу 2,5 километри и е едно од омилените места за прошетка на охриѓани и гостите во стариот дел на градот. (Крај)
извор: ИнПрес фото: ИнПрес
