Охрид, 26. април 2023 (ИНПРЕС) – Државниот инспекторат за животна средина (ДИЖС) спроведе вонреден инспекциски надзор кај мостот во каналот „Студенчишта“, по добиена информација за дамка од нафтен дериват во водата.

Од инспекторатот информираат дека при увидот направена е и фото документација и согласно регулативата ќе се води инспекциска постапка.

– На ден 25-ти април од страна на Државен Инспектор за животна средина од Канцеларијата Охрид Игор Трајкоски, Одделение за инспекциски надзор во животната средина-Пелагониски и Југозападен регион по 18:00 часот извршен е вонреден инспекциски надзор кај мостот во канал Студенчишта, по добиена информација за дамка од нафтен дериват во водата. При увидот се изготвија и фотографии. Согласно регулативата ќе се води инспекциска постапка, стои во информацијата од ДИЖС.

https://www.youtube.com/watch?v=-mMcTul13hk

Читатели на InPress вчера попладне до нашата редакција испратија фотографии и видео од нафтена дамка во каналот „Студенчишта“.

Ова не е прв ваков случај и граѓаните, кои ги испратија до нас материјалите, апелираат на поголема грижа и од корисниците на пловните објекти, но и од одговорните лица за да се спречат слични инциденти во иднина. (Крај)

извор: ИнПрес фото/видео: ИнПрес