Охрид, 9. октомври 2024 (ОХРИДПРЕС) – Во организација на Здружението на дијабетичари од Охрид, д-р Јасмина Спасеска Јованоска, супспецијалист кардиолог од ЈЗУ Специјализираната болница за превенција, лекување и рехабилитација на кардиоваскуларни заболувања Охрид, денеска ќе одржи предавање на тема „Запознавање со кардиоваскуларните заболувања и нивна превенција кај пациенти со дијабетес“.

Настанот е по повод Светскиот ден на срцето, а на предавањето ќе има и претставници од „Крка фарма“ ДООЕЛ од Скопје, кои со присутните ќе споделат совети и информативни материјали, а исто така ќе вршат и бесплатно мерење на холестеролен притисок.

– Целта на овие активности е подигање на свеста за значењето на превенцијата и навременото откривање на покачениот крвен притисок и дислипидемијата, како два најзначајни ризик фактори за појава на кардиоваскуларни заболувања, инфомираат организаторите.

Настанот ќе започне во 11:00 часот во големата сала на Општина Охрид. (Крај)

извор: ОхридПрес фото: архива