Охрид, 16. февруари 2023 (ИНПРЕС) – Во тек е продажбата на карти за ракометниот спектакл оваа сабота меѓу Охрид и Вардар.

– Билети се продаваат во охридската чаршија, помеѓу Т.Ц.Амам и Комплекс Летница (кај Аждер) секој ден до пред почеток на натпреварот и во спортската сала „Билјанини извори“ (на билетара) секој ден од 18:00 до 20:00 часот. Цена на билетот е 100 денари, информираат од ГРК Охрид.

„Гладијаторите“ најавуваат беспоштедна борба на секоја педа од теренот и очекуваат полна сала. Натпреварот ќе се игра во салата „Билјанини извори“ со почеток во 18.30 часот.

На почетокот на месецов од навивачката група „Рибари“ најавија дека се враќаат на натпреварите на ГРК Охрид, а спектакл најавија токму за овој меч.

Охридските ракометари на стартот од разигрувањето за титулата и местата кои водат во Европа во гости ја совладаа екипата на Еурофарм Пелистер 2. (Крај)

извор: ИнПрес фото: архива