Приштина/Скопје, 21. мај 2015 (ИНПРЕС) – Косовската влада преку својата амбасада во Скопје испратила вербална нота до Македонија во врска со третирањето на уапсените граѓани на Косово по судирите во Куманово.
Ова го објави порталот Lajminet, повикувајќи се на извор од косовското министерство за надворешни работи, каде пишува дека нотата е испратена по извештајот на македонскиот омбудсман, Иџет Мемети во кој биле дадени аргументи дека постојат докази дека македонските власти вршеле насилство над уапсените. Македонските власти, според истиот извор, до сега се правдале со тоа дека не е утврден идентитетот или државјанството на упасените, иако неколку дена по судирите ги објавија имињата на уапсените.
Целиот проблем во недостаток на соработка за ова прашање е во тоа што македонските власти наводно не успеале да го утрдат државјанството на уапсените, иако косовската полиција им доставила официјални потврди дека станува збор за државјани на Косово, вели извор од косовското МНР. Амбасадорот на Косово во Македонија, Илбер Хисан до сега посетил шест од 23 упасени, додека македонските власти за 17 рекле дека не им се знае идентитетот. (Крај)
извор: focus.bg фото: архива