Охрид, 1. јуни 2023 (ИНПРЕС) – Во текот на минатата година во Охрид биле склучени вкупно 261 брак, покажуваат податоците на Државниот завод за статистика.

Во 243 случаи тоа било прв брак за невестата, а во 235 случаи прв брак на младоженецот.
Колку за споредба во 2020 година 273 парови што го кажале судбоносното „да“, додека во 2021 година дури 309.

Во соседна Струга лани иле склучени 432 бракови, додека во Дебрца 23.

На државно ниво во 2022 година биле склучени 12 882 бракови, а најголем број бракови биле склучени во старосната група од 25 до 29 години.Просечната возраст при склучување прв брак е 27,4 години за невестата и 29.9 години за младоженецот.

Во 2022 година се случиле 1.613 разводи, што претставува пад од 17.9 % во споредба со 2021 година. (Крај)

извор: ИнПрес фото: архива