Охрид, 1. јуни 2023 (ИНПРЕС) – Започна постапката за донесување на Нацрт Закон за прогласување на Охридското Езеро за споменик на природата, соопштија од министерството за животна средина и просторно планирање.
– Донесувањето на Законот произлезе од потребата Охридското Езеро повторно да се прогласи за заштитено подрачје во категоријата „Споменик на природата“ – категорија III, согласно Законот за заштита на природата на Република Македонија како и поради своите уникатни светски природни и културни вредности како и геоморфолошките и хидролошките карактеристики, информираат од министерството.
Нацрт законот за прогласување на Охридското Езеро за споменик на природата наскоро ќе биде објавен на порталот на www.ener.gov.mk, а за датумот на одржување на јавната расправа, јавноста ќе биде навремено информирана. (Крај)
извор: ИнПрес фото: ИнПрес
