НП Галичица домаќин на работилница за Плановите за управување со Националните паркови

Охрид, 26. април 2024 (ИНПРЕС) – Националниот парк „Галичица“ е домаќин на дводневна работилница посветена на плановите за управување со националните паркови.

На работилницата се дискутира за значењето на плановите за управување со националните паркови, содржина на плановите согласно правилникот и практични и административни чекори во процесот на изработка и донесување, формирање тимови за планирање, клучни вредности, притисоци, ограничувања, закани, можности, различни типови на визија, како и петгодишен оперативен план со следење на спроведувањето.

Дел од работилницата се претставници од сите национални паркови во Македонија („Галичица“, „Пелистер“, „Маврово“ и „Шар Планина“) и претставник од Министерство за животна средина и просторно планирање. (Крај)

извор: ИнПрес фото: архива