Белград, 2.октомври 2015 (ИНПРЕС) – Осуммесечно бебе е пронајдено мртво во најлонска вреќа на терасата на станот во белградската населба Врачар, а неговата 37-годишна мајка е пронајдена во собата во критична состојба со пресечени вени на рацете, дознава српски „Блиц“.

Оваа морничава глетка ја затекнале полицајците кои биле повикани од загрижените членови на семејството, бидејќи со денови не им одговарала на повиците.

Полицајците најпрво во станот ја затекнале жената во тешка состојба, а потоа го пронашле безживотното тело на осуммесечното бебе на терасата. Лекарите на Итната помош веднаш ја згрижиле жената додека телото на бебето било однесено на обдукција за да се утврди причината за смртта. Имено, бебето со денови лежело мртво на терасата.

– Мајката е примена на токсикологија на ВМА. Нејзината состојба е стабилна и ќе биде пуштена од болницата – потврдиле за „Блиц“ од ВМА. Во меѓувреме, мајката е отпуштена од болницата во битно постабилна здравствена состојба. (Крај)

извор:Блиц фото:архива