Отворен ден во СОСУ „Св.Кирил и Методиј“ (Фото/Видео)

Охрид, 22. мај 2023 (ИНПРЕС) – Во рамки на одбележувањето на патрониот празник во СОСУ „Св.Кирил и Методиј“ се одржа отворен ден.

Во училишниот двор се одржа саем на компании, каде се претставија неколку виртуелни компаниии создадени од самите ученици презентирајќи бизнис идеи, а учествуваа и 20-на компании од реалниот сектор што се соработници на училиштето, каде учениците посетуваат пракса.

https://www.youtube.com/watch?v=ZLnD23Bhg1M

– Со ова сакаме да им возвратиме на компаниите да се промовираат тука кај нас, да им се заблагодариме за соработката штоја имаме во текот на целата година, што им овозможуваат на учениците да стекнат и практично знаење, истакна директорот на училиштето Ристе Јанкоски.

Покрај тоа деветтоодделенците имаа можност да се запознаат со условите за школување како и изборот на профили што се нудат во ова училиште.

– Располагаме со 152 слободни места, имаме една медицинска паралелка, потоа насоките е-трговија и дигитален маркетинг економски техничар и две дуални паралелки за оваа година од економски техничар, лани имавме една, оваа година две паралелки. Учениците во дуалните паралелки добиваат стипендија во висина од 3.500 денари за период од 9 месеци, додава Јанкоски.

Директорот Јанкоски истакна дека во текот на оваа година се реализирани бројни проекти од реконструкција на училиштето, нова фасада, обновен е системот за греење, поставена е хидрантска мрежа, дворот е соодветно партерно уреден и подигната е безбедноста во самото училиште. (Крај)

извор: ИнПрес фото/видео: ИнПрес