Охрид, 31. јануари 2023 (ИНПРЕС) – Во ОУ „Григор Прличев“ течат подготовките за одбележување на патрониот празник.

Активностите започнуваат од утре, со отворени денови за наставни и воннаставни активности, сé до понеделник, 6-ти февруари.

– Охрид и нашето училиште ќе бидат во знакот на деновите посветени на делата и ликот на ловороносецот, со кои ќе се одбележи патрониот празник на нашето училиште, велат од ОУ „Григор Прличев“.

На денот на одбележување на годишнината од смртта на ловороносецот, од 09:00 часот ќе биде положен ловоров венец на бистата во училишниот двор, изработен од наставниот кадар и учениците, по што ќе следи Прличевата визита.

Од 18:00 часот во училишната спортска сала предвидена е ликовна изложба, литературно читање, рецитал, хорска изведба и ритмички точки.

По повод патронатот, беше објавен и литературен и ликовен конкурс, а наградените ученици прочитајте ги овде. (Крај)

извор: ИнПрес фото: архива