Охрид, 11. февруари 2026 (ИНПРЕС) – Во текот на месец декември 2025 година туристички Охрид го посетиле вкупно 12.342 гости, од кои 6.290 биле домашни, а 6.052 се странски.
Според официјалните податоци на Државниот завод за статистика (ДЗС) на Република Македонија, вкупниот број на ноќевања изнесува 22.767. Во однос на структурата на странските туристи, најмногубројни биле Србите – 1.668, по кои следуваат гостите од Бугарија 851, Грција 706, Германија 690, Турција 549, Франција 208…
На ниво на државата, Република Македонија во декември 2025 ја посетиле вкупно 59.521 туристи, од кои 21.815 биле домашни, а 37.706 странски. Остварени се вкупно 112.001 ноќевања.
Во периодот јануари – декември 2025 година, во однос на истиот период од претходната година, вкупниот број на туристите е зголемен за 6 %, кај домашните туристи е забележано намалување за 2.2 %, а кај странските има зголемување за 10.3 %. Во периодот јануари – декември 2025 година, во однос на истиот период од претходната година, вкупниот број на ноќевањата е зголемен за 0.8 %, така што кај домашните туристи има намалување за 4.1 %, а кај странските има зголемување за 6,4%. (Крај)
извор: ИнПрес фото: ИнПрес
