СОСУ „Св. Кирил и Методиј“ показна вежба за евакуација и спасување ТППЕ Охрид
Охрид, 7. октомври 2024 (ОХРИДПРЕС) – Со цел да се подигне нивото на подготвеност и координираност за соодветно, навремено и ефикасно делување во случај на несреќи, денеска, во СОСУ „Св. Кирил и Методиј“ во Охрид се реализира показна вежба за евакуација и спасување според соодветно сценарио за случена елементарна непогода.
Делуваа тимовите на СВР Охрид, ТППЕ Охрид, Здравствен дом Охрид, Црвен крст Охрид, како и службите на ЦУК и ДЗС.
– Уште еднаш го демонстриравме високото ниво на професионализам во справувањето со вакви ситуации. Благодарност до сите засегнати институции кои беа на висина на задачата, а воедно и до раководниот кадар на училиштето кои ги има превземено сите неопходни мерки за непречено функционирање на планот за заштита и спасување, потенцираат од ТППЕ Охрид.
Во текот на октомври и ноември 2024 година, во координација и со поддршка на СВР Охрид, ТППЕ Охрид, ДЗС, ЦУК и Црвен крст Охрид, планирано е да вршат увежбување за примена на Оперативните планови за заштита и спасување и плановите за евакуација во основните и средните училишта во Охрид и Дебрца. (Крај)
извор: ОхридПрес фото: архива
