Охрид, 19. јуни 2026 (ИНПРЕС) – Започнува културно – забавната и спортска програма што ја подготви Општина Охрид по повод 21 јуни – Денот на Охридското Езеро.
Денеска од 10:30 до12:00 часот во детската градинка „Јасна Ристеска“, објект „Централна“, ќе се одржи литературно-едукативниот проект за деца „Раскажи ми за езерото“, а од 11:00 часот ќе се одржи Фестивал на поезијата и културата „Слушни го езерото“ во Библиотека „Григор Прличев”. Вечерва од 19:00 часот на плоштадот „Вангел Наумовски“ (Мини маркет) ќе се одржи „Книжевен хепенинг за деца Охрид 2026“.
Утре од 10:00 часот ќе се одржи едриличарска регата „Заедно за иднината на Езерото“ на плажата „Горица 1“, а од 20:00 часот во Центарот за култура „Григор Прличев“, во рамки на Balkan music square, концерти ќе одржат ВИС „Билјана“ и Елена Христова-Баклава.
Во недела од 10:00 часот продолжува едриличарската регата, а од до 20:00 часот втора вечер од Balkan music square со концерт на Владимир Василески Четкар.
Предвидената програма ќе биде заокружена во понеделник, на 22 јуни со креативна детска работилница „Охрид и Охридското Езеро низ детските очи“ и детскиот музички фестивал „Распеано Рибарче“ на плоштадот „Вангел Наумовски“ со почеток во 19:00 часот. (Крај)
извор: ИнПрес фото: ИнПрес
