Букурешт, 14.јули 2015 (ИНПРЕС) – Романското обвинителство задолжено за борба против корупцијата поднесе обвинение против премиерот Виктор Понта поради перење пари, фалсификување документи и затајување данок.
Ова го зголемува притисокот врз 42-годишниот Понта, кој еден ден претходно се повлече од местото лидер на партијата ПСД, додека да заврши истрагата.
Понта повторно се изјасни за невин и ги нарече обвиненијата политички мотивирани, јасно порачувајќи дека нема да поднесе оставка и покрај повиците од шефот на државата да го стори тоа.
Истрагата почна на 5 јуни, а насочена е кон активностите на Понта додека се занимавал со адвокатура од 2007 до 2009 година. Тој стана премиер во 2012.(Крај)
извор:МКД фото:МКД
