Охрид, 2. мај 2023 (ИНПРЕС) – „Најсреќниот човек на светот“, во режија на Теона Стругар Митевска утре, 3-ти и в четврток, 4-ти мај ќе биде на кино репертоарот во охридскиот Центар за култура „Григор Прличев“.
„Најсреќниот човек на светот“ е филм за тешкотијата на помирувањето, кое е неопходно за да се може да се продолжи со животот во мир после војна.
– Асја е 40 годишна самостојна жена која живее во Сараево. Таа го запознава Зоран, 43 годишен банкар на настан за состаноци. Но Зоран не е таму за да ја пронајде љубовта на неговиот живот, туку прошка. За време на војната во 1993 Зоран пукал врџз градот од спротивната страна и сака да ја запознае неговата прва жртва. Сега, двајцата ќе треба повторно да ја преживуваат болката во нивната потрага по прошка, стои во содржината на филмот.
Улогите ги толкуваат: Ирма Алимановиќ, Изудин Бајровиќ, Ведрана Божиновиќ, Јелена Кодриќ, Ана Костовска, Николина Кујача, Лабина Митевска, Ксенија Маринковиќ, Мона Муратовиќ, Аднан Омеровиќ, Кемал Ризвановиќ, Синиша Видовиќ.
Почетокот на проекциите е од 20:00 часот, а влезницата чини 100 денари. (Крај)
извор: ИнПрес фото: архива
