Охрид, 10. април 2023 (ИНПРЕС) – Успеси за почит за ученициод ОУ „Григор Прличев“.
На 60-от Државен натпревар на млади природници и техничари, што викендов се одржа во Велес, Лео Нелоски освои златен медал во категоријата конструкторство, под менторство на наставникот по техничко образование Благоја Ристески.
Hа натпреварот зедоа учество 300 ученици кои се натпреваруваа различни категории.
Охридското училиште годинава за прв пат имаше свој претставник и во областа кино и видео техники. Ученикот Иво Георгиески се претстави со краткометражниот филм „Да почнеме од нас“, а сценариото, монтажата и режијата се негово дело.
Главна улога во филмот се ученици од „Григор Прличев“, а темата на филмот е денешната актуелност, булингот.
Премиерата на филмот пред учениците се очекува наскоро. (Крај)
извор: ИнПрес фото: архива
