Подгорица, 12. декември 2015 (ИНПРЕС) – Црногорската Влада донесе предлог одлука за воведување на меѓународните рестриктивни мерки утврдени со одлуки на Советот на ЕУ во однос на дејствија за поткопување или загрозување на територијалниот интегритет, суверенитет и независност на Украина.
– Со одлуката се воведуваат меѓународни рестриктивни мерки во однос на дејствијата кои го поткопуваат или загрозуваат територијалниот интегритет, суверенитет и независност на Украина, кои се утврдени со одлуки на Советот на ЕУ, на кои Црна Гора се придружи согласно надворешнополитичките приоритети на усогласување со ЕУ во областа на заедничката надворешна и безбедносна политика, се наведува во Предлог одлуката на црногорската Влада, пренесуваат медиумите.
Со тоа се ограничува влез на територијата на Црна Гора на физички лица кои се одговорни за активно поткопување или спроведување активности или политики кои го поткопуваат или загрозуваат територијалниот интегритет, суверенитет и независност, однонсо стабилност и безбедност на Украина, или кои го попречуваат работењето на меѓународните организации во Украина. (Крај)
извор: Репортер фото: архива