Белград, 6.јули 2015 (ИНПРЕС) – Србија е европска нација има свое целосно место во Европската унија (ЕУ), но влегувањето во Унијата не смее да биде засновано на уцени, изјавил европратеникот од редовите на францускиот „Национален фронт“, Емерик Шопрад, пренесуваат српските медиуми.

– Треба да се биде праведен кон Србија. Таа има право на своите специфични интереси, да го штити посебниот статус на Косово и Република Српска, да не ги прекинува врските со остантите Срби кои живеат вон нејзината територија. Но треба да влезе во ЕУ и ние тоа го поддржуваме, изјавил Шопрад за „Вечерње новости“.

Францускиот европратеник, кој неодамна предизвика големо внимание со двете предложени резолуции во Европарламентот, поврзани со Србија, вели намерата со неговата предлог резолуција за Сребреница била „да се нападне пристрасниот и едностран пристап кон прашањето за Сребреница“.

– Историјата треба да се гледа правично. Доколку се говори за злосторствата, треба да се набројат сите злосторства. ЕУ мора да престане да лаже за историјата. Не смее да се игра на картата за обвинување и дијаболизирање на народите, рекол Шопрад, додавајќи дека Белград во преговорите мора да пружи отпор.

-Во преговорите има одмерување на силите. Треба да се биде силен и да се бранат своите посебности, рекол францускиот европратеник.(Крај)

извор:Макфакс фото:архива