Охрид, 10. јули 2025 (ИНПРЕС) – Утревечер продолжуваат настаните посветени на најмладите во рамки на проектот на Општина Охрид, Културата расте со децата „За сите деца“ .
На сцената кај ТЦ „Амам“ ќе биде изведена театарската претстава „Во царството на другарството“ во изведба на Театар Хит од Скопје.
– Прекрасна театарска приказна за најмладите, која носи порака за пријателство, разбирање и заедништво, велат организаторите.
Автор и режисер на претставата е Сашо Ристовски, а улогите ги играат Магдалена Ризова Черних, Ема Давчева и Сашо Ристовски.
Почетокот на претставата е во 20:30 часот. (Крај)
извор: ИнПрес фото: архива
