Охрид, 9. април 2025 (ИНПРЕС) – Не можеме да расчистиме мини-депонии колку што граѓаните можат да создадат, повторно и повторно…, велат од ЈП „Охридски комуналец“, по последната акција за расчистување диви депонии.
Локациите повторно беа во населбите Даљан и Лабино.
– Не измина нецел месец откако објавивме за нашите активности за расчистување диви депонии во населбите Даљан и Лабино, каде се подигнати големи количини кабаст и зелен отпад, ситуацијата денес непроменета на истите локации, како да не сме го подигнале сиот отпад кој претходно беше расфрлан. Денеска повторно интервениравме за расчистување на истите локации, информираат од претпријатието.
Потсетуваат дека од личната одговорност и еко-свест на секој поединец зависи во каква животна средина ќе живееме, зошто последиците остануваат за сите нас. (Крај)
извор: ИнПрес фото: ЈП „Охридски комуналец“
