Скопје, 9. април 2025 (ИНПРЕС) – Четворица од повредените лица во пожарот во Кочани кои се лекуваа во странство денеска се враќаат во земјава, информираат од министерството за здравство.
Двајца се враќаат од Хрватска и по еден од Шведска и Италија.
Во странство се хоспитализирани 60 пациенти. Непроменета останува состојбата на пациентите кои се третираат во странство, вклучително и состојбата на критичните пациенти.
Во болниците во земјава во моментот се лекуваат 7 пациенти, од кои четворица во Хируршката клиника „Св.Наум Охридски“, двајца пациенти во приватната болница Систина и еден пациент на Клиниката за пулмологија.
Од ресорното министерство додаваат дека континуирано ја следат состојбата со повредените пациенти, со цел обезбедување најдобар можен третман, како и понатамошна рехабилитација. (Крај)
извор: ИнПрес фото: архива
