Скопје, 17. декември 2025 (ИНПРЕС) – Ставен во функција нов веб портал за квалитет на воздухот, информраат од министерството за животна средина и просторно планирање (МЖСПП).
До него може да се пристапи преку постоечката адреса https://air.moepp.gov.mk.
– Податоците од сите мониторинг станици како и досега може да ги гледате во реално време. Новитет е тоа што истите се споредуваат со новиот индекс, кој е во согласност со Европскиот индекс за квалитет на воздух кој започна со примена од 04 јули 2025 година. Веб страната има подобрени перформанси, подобрени анализи во делот на надминувања на граничните вредности во тековната година како и годишни анализи за претходни години, информираат од министерството.
Додаваат дека е пуштена и мобилна апликација за приказ на податоците за квалитет на воздух за Андроид и iOS.
Охрид периодов сѐ почесто е меѓу градовите во кои е измерено високо ниво на загадување. Па, така и во текот на денов е забележлива променливa концентрација на PM10 честички. Според мерењата највисока концентрација имало во 10:00 часот – 175.314 mg/m3, а последните мерења од 13:00 часот покажуваат 60.337 mg/m3 PM10 честички. (Крај)
извор: ИнПрес фото: архива
