Охридската полиција и денеска на стрелиштето „Бејбунар“ ќе спроведе боево гаѓање

Охрид, 15. октомври 2025 (ИНПРЕС) – Припадници на редовниот состав од Полициската станица од општа надлежност, од Полициската станица за безбедност во патниот сообраќај, како и од криминалистичката полиција и на стрелиштето „Бејбунар“ во Охрид ќе спроведат вежбовна активност за боево гаѓање со огнено оружје.

– Припадници на редовниот состав од Полициската станица од општа надлежност како и од криминалистичката полиција, денеска на стрелиштето „Бејбунар“ во Охрид ќе спроведат вежбовна активност за боево гаѓање со огнено оружје. За предвидените вежбовни активности претходнмо се известени соодветните служби и стрелиштето, Ловечкото друштво – Охрид, ЈЗУ „Здравствен дом” Охрид и урбаната заедница „Билјанини извори”. Пред почетокот на боевото гаѓање, полициски екипи извршија теренска обиколка и обезбедување на поширокото подрачје на стрелиштето „Бејбунар” со цел оневозможување влез на граѓани во безбедносните зони, а медицинското обезбедување ќе го вршат стручните медицински екипи од ЈЗУ „Здравствен дом”, информираат од СВР Охрид.

Тие апелираат до граѓаните кои се движат кон стрелиштето „Бејбунар“, да ги почитуваат ознаките и натписите за забранет пристап, да не се задржуваат во безбедносните зони и целосно да се придржуваат кон останатите насоки на полициските службеници. (Крај)

извор: СВР Охрид фото: ИнПрес