Охрид, 15. април 2025 (ИНПРЕС) – Поради големината и значењето на Велики петок – најтажниот ден во христијанството, овој петок нема да има програма за деца од проектот Културата расте со децата „За сите деца“.
Програмата ќе продолжи следниот петок, 25-ти април со театарската претстава „Плашливиот лав“ што ќе се одржи во просториите на ОУ „Св. Наум Охридски“ во Пештани со почеток во 12:00 часот.
„Плашливиот лав“ е детска театарска претстава која носи силна порака за другарство и социјализација кај децата.
Основното дејствие се случува во големиот магичен град – Вондер Сити. Автор е Марјан Анѓеловски, а играат: Јасмин Рамани и Мето Јанакиевски. (Крај)
извор: ИнПрес фото: архива
