Бугарија очекува над 10,5 милиони евра помош од Европскиот парламент

Софија/ Стразбур, 17. декември 2014 (ИНПРЕС) – Бугарија очекува да добие над 10,5 милиони евра помош поради штетите од природни катастрофи.

Решението треба да биде изгласано денеска од Европскиот парламент.

На седницата во Стразбур ќе биде дадено зелено светло на повеќе од 126 милиони евра хуманитарна помош за настраданите од природни катастрофи во Европската унија (ЕУ).

Средствата се наменети за справување со последиците од природните катастрофи во минатата и оваа година. Помош треба да биде потврдена и од Советот на ЕУ.

Останатите држави кои ќе добијат поддршка, се Италија, Грција, Словенија, Хрватска и Србија. (Крај)

извор: novinite фото: архива