Вучиќ: Најверојатно ќе ги изгубам изборите

Белград, 27. декември 2014 (ИНПРЕС) – Премиерот на Србија Александар Вучиќ изјави дека највероватно ќе ги изгуби следните избори, затоа што тоа им се случило на сите кои спроведувале тешки реформи.

– Јас не го добив мандатот за да ги чекам следните избори и да ги победам политичките противници. Знам што ќе се случи на следните избори. Најверојатно ќе ги загубам, како и многу други кои се обидоа да спроведат тешки реформи, изјави Вучиќ во интервју за CNN.

Тој додаде дека негова работа не е да „продава глупости и лаги“, туку да ги спроведува реформите за доброто на народот.

– Факт е дека целиот свет, Европската унија, ММФ, Светска банка и Европската банка за обнова и развој признаваат дека Србија спроведува многу реформи. Српскиот народ може да биде горд на себе и неговите лидери, рече Вучиќ.

Српскиот премиер напомена дека е задоволен од она што го постигнала Владата, но дека реформите мора да се спроведуваат и натаму. (Крај)

извор: Б92 фото: архива