Охрид, 10. октомври 2024 (ОХРИДПРЕС) – Нутриционистот Diana Nikitina потенцира дека во текот на есента е важно да се земаат витамините Ц, Д, Б и магнезиум.
Витаминот Д му помага на телото да го прилагоди својот деноноќен ритам во услови на скратување на дневната светлина и е важен за имунитетот и одржувањето на доброто расположение. Најдобар извор на витамин Д е сончевата светлина, но, покрај додатоците во исхраната, може да се најде и во мрсната риба, говедскиот црн дроб и црвеното месо, како и во печурките и јајцата. Има и храна збогатена со витамин Д, како млеко, сок од портокал и житарки кои се јадат за појадок.
Витаминот Ц е важен бидејќи го зајакнува нервниот систем и помага во намалување на заморот. Најдобри извори на витамин Ц се бобинките, пиперките, брокулата, карфиолот, лиснат зеленчук и домати. Витаминот Ц лесно се губи за време на готвењето, па затоа е идеално да се консумира оваа храна сирова или малку варена за да се зачува хранливата вредност.
Витаминот Б1 го има во целите зрна, семките од сончоглед, гравот, грашокот и свинското месо, додека млечните производи, јајцата, спанаќот, брокулата и бадемите се богати со витамин Б2. Најдобри извори на витамин Б3 се пилешкото, рибата (особено туната и лососот), кикиритките, наутот и семките, додека витаминот Б5 е присутен во пилешкото, компирот, семките од сончоглед, авокадото и јајцата.
Витаминот Б6 го има во бананите, наутот, туната, мисиркиното месо, компирот и интегралните житарки, а извор на витаминот Б7 се јајцата, семките од сончоглед, јаткастите плодови, особено бадемите и оревите, бананите и карфиолот. Витаминот Б9 ќе го најдете во лиснатиот зеленчук, како што се спанаќот и кељот, мешунките и авокадото, а витаминот Б12 во производите од животинско потекло, како што се месото, рибата, јајцата и млечните производи.
Магнезиумот може да се најде во многу храна, особено во растенијата, јаткастите плодови и интегралните житарки. Намаленото консумирање на некоја од наведените намирници треба да се компензира со земање витамински комплекси, минерали и антиоксиданси. (Крај)
извор: index.hr фото: index.hr
