Охрид, 3. август 2023 (ИНПРЕС) – Во недела, на 6-ти август започнува манифестацијата „Културно лето Пештани“ што оваа година ќе трае шест дена.
– Сите уметности: ликовна, книжевна, музичка и драмска ќе бидат споени во една целина. Љубителите на уметноста ќе можат да уживаат во миксот од серенади, сериозната и народната музика. Исто така присутните ќе бидат почестени со поезија и проза како и доза хумор, информираат организаторите, Граѓанското здружение „ARTE AZZURRA”.
Свеченото отворање ќе биде од 20:30 часот на самиот брег, во центарот на Пештани.
Во понеделник, на 7-ми август со почеток во 20:00 часот ќе има гастрономска вечер, каде присутните ќе можат да вкусат од прекрасните традиционални јадења од езерското крајбрежје.
Од 8-ми до 11-ти август од 17:00 часот ќе има сликање и цртање на зајдисонце како и изложување на ракотворби од културната работилница.
Манифестацијата ја организира и реализира Граѓанското здружение „ARTE AZZURRA” со поддршка на Општина Охрид. (Крај)
извор: ИнПрес фото: архива
