Влатко Лозаноски Лозано
Скопје, 2. март 2026 (ИНПРЕС) – На само неколку дена од неговиот солистички концерт закажан за 7-ми март, еден од најмоќните вокали на нашата музичка сцена, Влатко Лозаноски – Лозано ја објави својата најнова песна „Среќен пат“.
Текстот за новата песна го напиша младата артистка Луна Ристиќ, музиката е дело на Гоце Симоноски, додека аранжманот го потпишува Лазар Цветкоски.
За песната е снимен и видео запис на кој како режисери се потпишуваат Гордан Божиновски и Верица Донев Божиновска. Видеото визуелно ја надополнува приказната што ја носи песната и ѝ дава дополнителна емоционална димензија.
– Ми значи многу оваа песна и едвај чекав да ја споделам со публиката. А за многу скоро подготвувам уште едно изненадување – нова песна во соработка со драги колеги од естрадата, накусо изјави Лозано.
Во меѓувреме, ситно броиме до концертот на 7-ми март во спортски центар „Борис Трајковски”. Сè е подготвено за големо музичко шоу, а Лозано и неговиот тим со нетрпение го очекуваат денот кога заедно со публиката ќе создадат вечер за паметење. (Крај)
извор: ИнПрес фото: архива
