Охрид, 2. јули 2026 (ИНПРЕС) – Од вчера па заклучно со 31 август на сила е одлуката за ограничување на пловидба на скутери на Охридското, Преспанското и Дојранското Езеро, донесена од Владата, а на предлог на министерството за транспорт.
Забранета е пловидба на скутери во периодот од 11:00 до 19:00 часот. Согласно одлуката од 3 јуни важи забраната за пловење на чамци во периодот од 21:00 до 05:00 часот сé до 31 август. Во септември ограничувањето ќе биде во период 20:00 до 06:00 часот, а во октомври од 19:00 до 06:00 часот.
Одлуката е донесена со цел намалување на ризикот од несреќи, спречување на загрозување на безбедноста на капачите и зачувување на јавниот ред на езерата.
Од министерството со најава дека надлежните служби ќе вршат засилени контроли и за непочитување на пропишаните ограничувања ќе бидат преземени соодветни мерки согласно законските прописи. (Крај)
извор: ИнПрес фото: ИнПрес
