Охрид, 3. февруари 2026 (ИНПРЕС) – Со бројни активности, ООУ „Григор Прличев“ од Охрид во петок ќе го одбележи својот патронен празник.
Програмата по повод патронатот е под мотото „Прличевиот збор е аманет – делото бесмртно“, а ќе се претстават учениците под менторство на нивните наставници.
Од 09:00 часот ќе биде положен ловоров венец на бистата на Прличев во училишниот двор, во 09:30 часот во кабинетот по техничко образование ќе се одржи Прличева визита, а половина час подоцна ќе бидат доделени и наградите по литературниот и ликовен конкурс.
Свечената приредба ќе се одржи во Центарот за култура „Григор Прличев“ со почеток во 19:00 часот. (Крај)
извор: ИнПрес фото: архива
