Рим, 27. февруари 2026 (ИНПРЕС) – Охридската оперска дива Миланка Новеска периодов во Рим, Италија, на покана на CDS Академијата и „Domma“ театар интензивно се подготвуваше за нов проект што ќе го изведе викендов.
Имено, италијанската публика утревечер ќе има можност да ја види Миланка во улогата на Росина, во премиерата на претставата „Севилскиот бербер“ од Џоакино Росини. Втората претстава е на 1-ви март. Покрај Новеска, дел од актерската екипа се пејачи од Франција, Перу, Романија и Италија.
Како најава за она што следува, деновиве таа беше дел од голем концерт што се одржа во Bishop’s Palace, Ostia Antica. Во преполната сала Миланка настапи со останатите пејачи ангажирани за „Севилскиот бербер“.
Новеска периодов има поприлично набиена агенда со оперски концерти, соло и настапи со матичниот камерен хор на Eric Ericsons Kammarkör во Шведска. (Крај)
извор: ИнПрес фото: архива
