Охрид, 6. март 2026 (ИНПРЕС) – И во четвртиот квартал од 2025 година во Охрид продолжил негативниот природен прираст.
Според податоците на Државниот завод за статистика во месеците октомври, ноември и декември се родиле 70, а починале 116 лица, односно се бележи прираст од -46.
И соседната Општина Дебрца бележи негативен прираст, се родиле 4, а починале 6 лица. Струга пак во четвртиот квартал бележи позитивен прираст, се родиле 68, а починале 59 лица.
Што се однесува до бројот на склучени бракови, во Охрид судбоносното „да“ го кажале 46 двојки, а имало 22 разводи. Во Струга во анализираниот период се склучиле 41 бракови, а нема евидентирани разводи. Во Дебрца не се евидентирани склучени бракови, а имало 2 разводи.
На државно ниво во четвртиот квартал имао 3 842 живородени деца, а починале 4 798 лица, со што се бележи негативен прираст од – 956. Во анализираниот период споредено со истиот од 2024 година се бележи намалување на бројките на склучени бракови и разводи. (Крај)
извор: ИнПрес фото: архива
