Хрватска доби прва жена претседател

Загреб, 12. јануари 2015 (ИНПРЕС) – Колинда Грабар Китаровиќ, конзервативен популист, победи на вчерашниот втор круг од изборите за претседател на Хрватска.

Грабар Китаровиќ освои 21 илјада гласови повеќе од сегашниот шеф на државата Иво Јосиповиќ.

Според обработените 99,59 отсто на гласовите од избирачките места, Грабар Китаровиќ води со 50,43 отсто од гласовите, додека Иво Јосиповиќ има 49,57 отсто од гласовите.

– Ќе работам за Хрватска и нема да дозволам некој да вели дека Хрватска не е просперитетна земја, изјави Китаровиќ во говорот по изборната победа.

Претседателската функција во Хрватска е главно церемонијална.

Јосиповиќ и честиташе на противкандидатката, истакнувајќи дека победила демократијата. (Крај)

извор: balkaninsight фото: архива