Охрид, 3. јуни 2025 (ИНПРЕС) – Денеска навршуваат 14 години постоење на Народен театар Охрид.
Многу луѓе се измешани во иницијативата и создавањето бидејќи Охрид препознава театар и ги препознава вредностите.
Во оваа форма, како Национална установа во рамки на Центарот за култура опстојува полни 14 години, по долгогодишни иницијативи во Охрид да се возобнови професионалниот театар.
На 3-ти јуни 2011 година се изговори првата реплика во сега веќе Народен театар Охрид. Тоа беше премиера на претставата „Метаморфози“ во режија на Андреј Цветаноски. Оттогаш се одиграни 42 премиери, реализирани се гостувања што по различни театри, што по фестивали и имаат освоено бројни награди.
Охриѓани со радост се сеќаваат на премиерите на охридскиот градски градски театар, во 50-те години на минатиот век кога актерската екипа од 15 млади луѓе со голем ентузијазам и елан внесувале нов дух во градот.
Возобновувањето на театарскиот живот во Охрид има историска димензија, не само за охриѓани и за тимот актери туку и за љубителите на театарот. Огромно е задоволството да се застане на штиците што живот значат.
Со оглед на моменталната состојба во охридскиот Центар за култура, каде сѐ уште времено е прекинато одржувањето на настани поради неисполнување на одредени технички услови, прекинато е и одржувањето претстави. Според најавите во текот на овој месец треба да се решат работите и да се продолжи со предвидената програма. (Крај)
извор: ИнПрес фото: ИнПрес
