Охрид, 28. октомври 2025 (ИНПРЕС) – Народната банка на Република Македонија и Централната банка на Холандија денеска и утре во Охрид по 16-ти пат ја организираат Конференцијата за плаќања и пазарна инфраструктура, продолжувајќи ја долгогодишната традиција на заедничко разгледување на можностите и предизвиците во областа на платежните услуги.
На годинашната конференција, насловена „Преповрзување на плаќањата за дигиталната ера“, ќе учествуваат домашни и странски претставници на централни банки, деловни банки, небанкарски даватели на платежни услуги, финтек-компании и други релевантни институции, како и претставници од меѓународните финансиски институции и телата на Европската Унија.
Конференцијата ќе ја отворат гувернерот на Народната банка, Трајко Славески и директорката на Секторот за плаќања од Централната банка на Холандија, Инге ван Дијк.
Централна тема на Конференцијата ќе биде иднината на плаќањата по историскиот исчекор на нашата земја со интеграцијата во Единствената област за плаќање во евра – СЕПА, заедно со Албанија, Црна Гора и Молдавија. Па по тој повод свое пбраќање ќе има генералниот директор на Европскиот совет за плаќања, Џорџо Андреоли.
Од 7-ми октомври Македонија официјално стана дел од Единствената зона за плаќања во евра (СЕПА), со што македонските граѓани и компании можат да вршат и да примаат уплати во евра под истите услови како во Европската Унија.
извор: ИнПрес фото: архива
