Охрид, 15. мај 2023 (ИНПРЕС) – Кошаркарите на ГКК „Охрид“ денеска играат „мајсторка“, одлучувачкиот натпревар за влез во Првата лига.
Противник по трет пат им е екипата на „Соколи“ од Штип. Двата тима имаат по една победа, па овој трет натпревар ќе биде решавачки.
– Ве повикуваме сите од срце да дојдете и да ни дадете поддршка во што е можно поголем број, бидејќи со оваа победа испишуваме нова историја на кошарката во Охрид, порачаа од клубот.
Натпреварот ќе се одигра во салата „Билјанини извори“ од 17:00 часот. (Крај)
извор: ИнПрес фото: архива
