Охрид, 13. јуни 2023 (ИНПРЕС) – Уште еден успешен настап на атлетичарите на АК „Охрид“, овојпат на Купот на Македонија за сениори, што се одржа во Скопје.
Клубот учествуваше со четворица натпреварувачи.
Јован Стојоски беше прв на 400 метри, а на 200 беше второпласиран. Стефан Стефановски беше најдобар во фрлање диск, додека Блаже Љушев беше трет во дисциплините 400 метри со пречки и скок во далечина. На Купот учествуваше и Искра Маџоска која за жал на трката на 100 метри се повреди и не можеше да продолжи понатаму. (Крај)
извор: ИнПрес фото: архива
