Охрид, 26. април 2024 (ИНПРЕС) – Клубот на млади при Црвен Крст Охрид утре организира хуманитарен кошаркарски турнир.
– Младите хуманитарци преку овој турнир имаат за цел да помогнат во преуредување на простор во установа за малолетни престапници во мултимедијално-едукативна училница, велат организаторите.
Турнирот ќе се одржи помеѓу три екипи, во периодот од 15:00 до 18:00 часот, во спортската сала „Билјанини извори“. Цената на влезниот билет е 100 денари.
Настанот е во рамки на активностите на ПХВ проектот. (Крај)
извор: ИнПрес фото: архива