Продолжуваат апсењата во БиХ за извршени воени злосторства во 90-те

Јајце, 15. декември 2014 (ИНПРЕС) – Три лица во Јајце беа уапсени, под сомнение дека извршиле воени злосторства против цивили.

Лицата се сомничат за извршени воени злосторства врз цивили, врз основа на командна одговорност. Осомничените беа уапсени утрово, од страна на полициски службеници на Државната агенција за истраги и заштита, по налог на Обвинителството на БиХ.

Претходно беше извршен претрес врз објекти на три локации со цел пронаоѓање и одземање на предмети што можат да послужат како доказ во понатамошна постапка. Лицата лишени од слобода ќе подлежат на кривична истрага. (Крај)

извор: SIPA фото: архива