Охрид, 20. декември 2024 (ИНПРЕС) – Националниот парк Галичица организира новогодишната работилница за деца, за изработка на уникатни новогодишни украси од природни материјали.
– Ова е повеќе од само работилница, ова е авантура која ги учи децата за природата, ги инспирира со креативност и ги обединува со другарчиња во празнично расположение, а во сето тоа ќе ни помогне нашата драга Симона Ангелоска @hurricane_full_of_joy. Нека оваа работилница биде инспирација за креативност и љубов кон природата! велат од НП Галичица.
Работилницата е наменета за деца од 7 до 10 годишна возраст, пријавувањето е најдоцна до 24-ти декември, а бројот на учесници е ограничен.
Пријавувањето е на е-маил адресата taseska_angela@yahoo.com. Работилницата ќе се одржи на 27-ми декември (петок) од 12:00 часот, во Инфо центарот на НП Галичица. (Крај)
извор: ИнПрес фото: архива
