Охрид, 5. јуни 2025 (ИНПРЕС) – Центарот за безбедност на вода при Црвен крст Охрид започна со регрутација на нови кандидати за спасители на вода, кои ќе се грижат за безбедноста на охридските капалишта во текот на летната сезона.
Заинтересираните кандидати треба да се постари од 17 години, да знаат да пливаат и да бидат психофизички здрави.
– Доколку сте заинтересирани и сакате да бидете ангажирани на oхридските плажи, контактирајте нè на: 046 262 706, 070 315 309, 046 261 909 или на мејл: ohrid@redcross.org.mk, информираат од Црвен крст Охрид.
Претседателот на Црвен крст Охрид, Сашо Точков, неодамна за Супер радио и InPress рече дека секоја година сѐ помал е интересот кај младите да се обучат за спасители на вода и покрај можноста да бидат ангажирани со многу солиден надомест во текот на летната сезона на капалиштата на охридското крајбрежје.
Годинашната обука за нови спасители на отвоени води е планирана за втората половина на овој месец. Обуката ќе се изведува на Охридското езеро, содржи теоретски и практичен дел, а ќе ја водат национални и меѓународни инструктори за безбедност на вода според стандардите на Меѓународната Федерација за безбедност на вода (ИЛСФ). (Крај)
извор: ИнПрес фото: архива
