Охрид/Струга, 28. јули 2025 (ИНПРЕС) – Секоја година, 28-ми јули се одбележува како Светски ден за борба против хепатитисот.
Министерството за здравство, заедно со Хепар Центар Битола и клиниките за гастроентерохепатологија и инфективни болести, по повод Светски ден за борба против хепатитисот, почнуваат заедничка национална кампања за бесплатен и анонимен скрининг за хепатитис Б, хепатитис Ц и ХИВ, како и еластографија за хронични црнодробни заболувања.
Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.
Националната кампања ќе се реализира во 10 градови во државата, меѓу кои и Охрид и Струга. Започнува денес во Скопје и Куманово, а караванот ќе биде во нашиот регион во петок, 1-ви август. Во Струга, во периодот од 10:00 до 12:30 часот, а во Охрид од 18:00 до 20:30 часот. (Крај)
извор: ИнПрес фото: архива
